إزاي تعرف انك في فيلم عربي؟
******
لما يكون البطل مريض وتديله البطلة حباية الدوا مع كوباية ميه وبعدما يبلعها وتسأله البطلة فورا: ها عامل اية دلوقتي المفاجأه انة يرد عليها الحمد لله بقيت احسن
كده بالسهولة دي.. هو واخد حبة البركة ولا ايه؟
******
لمايوصل البوليس الي موقع الجريمة من غير ما يبلغه حد
تقريبا المخرج هو اللي بلغ علشان يصور.. أمّال هيصور ايه
******
لما يبقى مشهد المطر بالبطلة لقطات الامطار الغزيرة والبرق والرعد والشباك اللى ينفتح بقوة علي مصراعيه
وتلاقي البطلة في الفيلم مصيّفه
*****
لما تفاجئ باغنية مالهاش أي لزمه في نص الفيلم
مش عارف ايه العلاقة بين الاغنية والفيلم
******
لما يكون من المستحيل انك تلاقى التليفون مشغول والطرف التاني يرد من قبل ما النمرة تجمع ولا تدي جرس حتى
*****
العبارة الساذجة الشهيرة اللىمع مشهد القبض علي المجرم: مفيش جريمة كاملة وانت فاكر انك هتهرب من البوليس بعملتك دي
*****
لما يسكر البطل فتلاقيه بيصب كوبايه مليانه علي اخرها
بيسكر بعصير قصب
******
لما يطلع الدكتور من غرفة العمليات يقول جملة من ثلاث جمل
اضطرينا نضحي بالجنين.. شدو حيلكوا يا جماعه.. العمليه نجحت بس مش هتقدروا تشوفوه دلوقتي
*****
لمايقعد البطل والبطلة في نفس الكازينو بتاع كل فيلم اللي في وش ماسبيرو ويطلبوا نفس العصير اللي في كل الافلام: تانج او ميراندا
يخلص المشهد من غير ما حد يشرب حاجة
تقريبا علشان هيتصور بالمشاريب دى فيلم تاني
******
لما يصاب البطل بطلق ناري في قلبه وتنزف الدماء من بطنه زي صلصلة الكشري ويفضل يتكلم بطلاقة وتركيز لمدة خمس دقائق يقوم بفك لغز الفيلم والاعلان عن القاتل الحقيقي او البطل يبقي ابن مين
*****
لماتاكل الابنة الفطار وهيا واقفة وبتاخد لقم سريعة فتقولها الوالدة ما تفطري يابنتي كويس تقولها: لا علشان الحق المحاضرة وتبوسها وتمشي فتستنى الوالدة الوالد ويبدأن في الدعاء
*******
لماتلاقى مقر العصابة ملئ بالقش والبراميل الخشبية
*******